الوهم

هبدا اول تدوينه ليا هي تعقيب علي موضوع قراته في احمد المدونات

وبالتحديد في مدونه حواديت بنات محتاره

كنت بقرا الكلام عادي جداا والكلام ماشي جميل جداا

بس فجاه قراءت كلمه حسستني بحزن عميق

البوست كان بيقول ان اللي بيحب وبيحاول يداوي نفسه من الحب

بيروح يحب تاني او يوهم نفسه بالحب اول ما قرات او يوهم نفسه بالحب

زعلت اووي لان ده مبدا فيه انانيه كبيره جداا بالظبط زي

ماابو فراس بيقول

معللتي بالوصل والموت دونه ** اذا مت ظمانا فلانزل القطر

نفس مبدا الانانيه انت علشان توهم قلب تاني انك حبيته وهو لو مخلص

وحبك بجد هتيجي في الاخر تقول معلش بس انا حبي ليك مجرد وهم

هتلاقيه هو اتجرح زيك بالظبط زي مانت كده كنت مجروح تصور شعورك

وانت بتعيط وحاسس ان اللي انت بتحبه خانك اهو انت كده عملت نفس اللي هو عمله

بس بطريقه ابشع ممكن اللي جرحك يكون حبك وبعدين نساك بس انت كنت عارف

ان ده مش حب ومع ذلك قلت اني بحب وفي الاخر قلتله الحقيقه طب بعد ايه

زي بالظبط اللي زمان انا خدت باديه ولايوم ايديه اتمدتلي ضحتله وتضحياتي ليه

فجاه يا قلب اتنستلي .

وزي حبيت انا بعت رجعت وقلت لنفسي يارتني ليه دايما كده يكون عندنا مبدا اناني

ليه نجرح الطرف الاخر او نوهمه بحبنا واحنا مش قادرين نحب اصلا

وكمان ليه مش نحب هل معني ان انا اتجرحت وعارف ان الطرف التاني خاين

اني اوقف حياتي اني ادبح نفسي بنفسي اني مش احب تاني اموت قلبي ؟

كل ده ليه وهو يعني الطرف التاني فرحان وبيحب وبيخدع كمان

ليه مش ابينله اني كمان بحب وان انا اللي بحبه عوضني عنه ؟

انا بس حبيت انزل الموضوع ده لعل اللي بيحاول يعمل حاجه زي دي

يرجع بسرعه ومش يخدع حد لان اللي بيخدع اكيد هيتخدع في يوم من الايام